O‘zbekiston Yozuvchilar uyushmasi

Shukronalikni kuylagan shoir

Kuni kecha O‘zbekiston Yozuvchilar uyushmasida taniqli shoir, uyushma aʼzosi, “Tong yulduzi” gazetasi bo‘lim muharriri Axtamquli tavalludining 60 yilligiga bag‘ishlangan ijodiy uchrashuv bo‘lib o‘tdi.
   Tadbirni uyushma raisi Sirojiddin Sayyid olib bordi. Unda professorlar – Nurboy Jabborov, Uzoq Jo‘raqulov, Bahodir Karim, ijodkor Ahtam Safarov va boshqalar so‘zga chiqdi.
– Axtamquli akaniing sheʼrlari To‘polang daryoning suvidek tiniq, odamlarning qalbiga yetib boradigan, ko‘nglida yorug‘likning yog‘dusini yoqadigan, tafakkurida o‘zgarish yasaydigan sheʼriyatdir, – dedi Nurboy Jabborov. – Shoir asl tuyg‘ularni topib yozadi. Buni uning "Shukr qil" sheʼrida ham ko‘rish mumkin. Har bir satrida samimiylik, tabiiylik mujassamdir.
Tadbirda so‘zga chiqqanlar asli agronom bo‘lgan ijodkor keyinchalik O‘zbekiston Milliy universitetining Oliy adabiyot kursida tahsil olgani va sheʼriyat ilmini ham puxta egallaganini taʼkidladi. Kechada shoir sheʼriyatining ahamiyati hamda ijodiy faoliyatiga eʼtibor qaratildi. Aruz vaznida yozilgan g‘azallari bilan o‘z muxlislariga ega ekani aytildi.
– Axtamquli aka ijodga kirib kelishida ustoz Abdulla Oripovning nazariga tushgan edi, – dedi Bahodir Karim. – Sheʼrlarini yaxshi ko‘raman. Shu sababli Berlinga borganimda u yerdagi “Staats” kutubxonasiga shoirning kitoblarini sovg‘a qilganman. Axtamqulining sheʼriyati Berlingacha yetib borgan.
Adibning asarlarida ko‘ngil, yoshlik, Vatan kuyining sehrli navosi, borliqning betakror jilosi aks etadi. U “Bodomginam”, “Qorachiqda asraganimsan”, “Bahorimdan kechikkan gul”, “Qirq g‘azal”, “Boshimda osmon aylanar”, “Qarog‘imda gullaydi Vatan”, “So‘z chamani”, “Ismingni yurakka yashirdim” nomli sheʼriy hamda “Ibratli hayot”, “Baxt izlagan odam”, “Yakkabog‘da ulg‘aygan chinor” nomli qissalari va “Tog‘lar ham qariydi”,  “Lolazorim Shotiro‘d” nomli hikoyalar to‘plami muallifidir.
Ijodiy kechada sanʼatkorlar – Mahmud Namozov, Asliddin Do‘stov, Malika Egamderdiyeva, Alijon Eshonqulov, Axtamquli sheʼrlariga bastalangan qo‘shiqlarini ijro etdi, Tolib Xojiyev g‘azallaridan o‘qidi.
Ko‘tarink ruhda o‘tgan tadbirda ijodkorga Yozuvchilar uyushmasi, Ichki ishlar vazirligi akademiyasi, Respublika Maʼnaviyat va ma'rifat markazi, "Tong yulduzi" gazetasi va mehmonlarning esdalik sovg‘alari topshirildi.

Zulayho Ahmadjonova,
jurnalist

www.tg-me.com/ye/O‘zbekiston Yozuvchilar uyushmasi/com.yozuvchilar_uz/30397

886 viewsedited  May 24 at 07:28

Shukronalikni kuylagan shoir

Kuni kecha O‘zbekiston Yozuvchilar uyushmasida taniqli shoir, uyushma aʼzosi, “Tong yulduzi” gazetasi bo‘lim muharriri Axtamquli tavalludining 60 yilligiga bag‘ishlangan ijodiy uchrashuv bo‘lib o‘tdi.
   Tadbirni uyushma raisi Sirojiddin Sayyid olib bordi. Unda professorlar – Nurboy Jabborov, Uzoq Jo‘raqulov, Bahodir Karim, ijodkor Ahtam Safarov va boshqalar so‘zga chiqdi.
– Axtamquli akaniing sheʼrlari To‘polang daryoning suvidek tiniq, odamlarning qalbiga yetib boradigan, ko‘nglida yorug‘likning yog‘dusini yoqadigan, tafakkurida o‘zgarish yasaydigan sheʼriyatdir, – dedi Nurboy Jabborov. – Shoir asl tuyg‘ularni topib yozadi. Buni uning "Shukr qil" sheʼrida ham ko‘rish mumkin. Har bir satrida samimiylik, tabiiylik mujassamdir.
Tadbirda so‘zga chiqqanlar asli agronom bo‘lgan ijodkor keyinchalik O‘zbekiston Milliy universitetining Oliy adabiyot kursida tahsil olgani va sheʼriyat ilmini ham puxta egallaganini taʼkidladi. Kechada shoir sheʼriyatining ahamiyati hamda ijodiy faoliyatiga eʼtibor qaratildi. Aruz vaznida yozilgan g‘azallari bilan o‘z muxlislariga ega ekani aytildi.
– Axtamquli aka ijodga kirib kelishida ustoz Abdulla Oripovning nazariga tushgan edi, – dedi Bahodir Karim. – Sheʼrlarini yaxshi ko‘raman. Shu sababli Berlinga borganimda u yerdagi “Staats” kutubxonasiga shoirning kitoblarini sovg‘a qilganman. Axtamqulining sheʼriyati Berlingacha yetib borgan.
Adibning asarlarida ko‘ngil, yoshlik, Vatan kuyining sehrli navosi, borliqning betakror jilosi aks etadi. U “Bodomginam”, “Qorachiqda asraganimsan”, “Bahorimdan kechikkan gul”, “Qirq g‘azal”, “Boshimda osmon aylanar”, “Qarog‘imda gullaydi Vatan”, “So‘z chamani”, “Ismingni yurakka yashirdim” nomli sheʼriy hamda “Ibratli hayot”, “Baxt izlagan odam”, “Yakkabog‘da ulg‘aygan chinor” nomli qissalari va “Tog‘lar ham qariydi”,  “Lolazorim Shotiro‘d” nomli hikoyalar to‘plami muallifidir.
Ijodiy kechada sanʼatkorlar – Mahmud Namozov, Asliddin Do‘stov, Malika Egamderdiyeva, Alijon Eshonqulov, Axtamquli sheʼrlariga bastalangan qo‘shiqlarini ijro etdi, Tolib Xojiyev g‘azallaridan o‘qidi.
Ko‘tarink ruhda o‘tgan tadbirda ijodkorga Yozuvchilar uyushmasi, Ichki ishlar vazirligi akademiyasi, Respublika Maʼnaviyat va ma'rifat markazi, "Tong yulduzi" gazetasi va mehmonlarning esdalik sovg‘alari topshirildi.

Zulayho Ahmadjonova,
jurnalist

BY O‘zbekiston Yozuvchilar uyushmasi